इंस्टंट रवा इडली - Instant Rava Idli

Rava Idli in English

साधारण १५ ते १८ मध्यम इडल्या
वेळ: साधारण ३५ ते ४० मिनीटे (मिश्रण बनविण्यास १५ मिनीटे + इडली वाफवणे व वाफ जिरणे २० ते २५ मिनीटे)

साहित्य:
१ कप जाड रवा
१ टिस्पून तेल, चिमूटभर मोहोरी, चिमूटभर हिंग, १/२ टिस्पून उडीद डाळ, १/२ ते १ टिस्पून चणाडाळ, ४ ते ५ कढीपत्ता पाने
१/२ टिस्पून किसलेले आले
१/२ कप आंबट दही, घोटलेले
१/२ कप पाणी
चवीपुरते मिठ
१ टिस्पून इनो फ्रुट सॉल्ट (इनो सोडा)

कृती:
१) मध्यम आचेवर, कढईत तेल गरम करून त्यात मोहोरी, हिंग घालावे. आधी चणाडाळ घालून परतावे आणि थोडा रंग बदलला कि उडीद डाळ घालावी. उडीद डाळीचा रंग गुलाबीसर झाला कि कढीपत्ता पाने घालावीत आणि किसलेले आले घालावे. त्यावर १ कप जाड रवा घालून २ ते ३ मिनीटे मध्यम आचेवर भाजावे.
२) भाजलेला रवा एका खोलगट भांड्यात काढून घ्यावा. दुसर्‍या भांड्यात घोटलेले दही आणि पाणी मिक्स करून त्याचे घट्टसर ताक बनवावे. रवा थोडा कोमट झाला कि त्यात हे ताक घालावे (टीप २). चवीपुरते मिठ घालून निट मिक्स करून घ्यावे. मिक्स करून १० मिनीटे तसेच ठेवावे. कंसिस्टन्सी नेहमीच्या इडली पिठाएवढीच असावी, खुप घट्ट किंवा पातळ नसावी.
३) इडली कूकरमध्ये (महत्त्वाची टीप ४) तळाला साधारण दिड इंच पाण्याची पातळी ठेवावी आणि पाणी गरम करण्यास ठेवावे. इडली पात्राला तेलाचा किंचीत हात लावून घ्यावा (टीप ३). मिश्रणात इनो सोडा घालून एकाच दिशेने मिक्स करावे आणि मिश्रण इडली पात्रात भरावे.
४) पाण्याला उकळी फुटली कि इडली स्टॅंड कूकरमध्ये ठेवून १२ ते १५ मिनीटे इडल्या वाफवाव्यात. ८ ते १० मिनीटे वाफ जिरल्यावर कूकर उघडून इडल्या चमच्याच्या टोकाने व्यवस्थित सोडवून घ्याव्यात.

टीप:
१) वरील पाककृती साधी मसाला इडलीची आहे. जर हवे असल्यास किसलेले गाजर, मटार अशा भाज्याही इडलीत घालू शकतो. वरील फोटोत दाखवल्याप्रमाणे भाज्या दिसायला हव्या असतील तर, इडली साच्यात आधी चिरलेल्या किंवा किसलेल्या भाज्या ठेवून वर इडलीचे पिठ घालावे. तसेच इडली पिठात डायरेक्ट भाज्या मिक्स करू शकतो, पण त्यामुळे इडल्यांचा रंग बदलतो.
२) रवा जर थोडा जास्त भाजला गेला असेल तर पाणी शोषून घेतल्याने मिश्रण घट्ट होते, तेव्हा कदाचित थोडे पाणी जास्त घालावे लागेल. मिश्रणाची कंसिस्टन्सी नेहमीच्या इडली पिठाएवढीच असावी, खुप घट्ट किंवा पातळ नसावी.
३) जर तुमच्या इडली पात्रात कमी इडल्या बनत असतील तर मिश्रण २ भागात विभागून घ्यावे. एक भागात १/२ टिस्पून सोडा घालून इडल्या वाफवून घ्याव्यात आणि नंतर उरलेल्या मिश्रणात सोडा घालून इडल्या बनवाव्यात. अशाप्रकारे २ बॅचेस कराव्यात. सर्व मिश्रणात एकदम सोडा घालू नये.
४) जर साधा कूकर वापरणार असाल तर कूकरच्या झाकणाची शिट्टी काढून ठेवावी.

Daliya Sheera

Lapsi Shira in Marathi

Lapsi rava Shira is a healthy breakfast recipe. Specially, for new moms (nursing moms) and people who requires high calorie food.

Time: 30 minutes
Servings: 3 to 4

Ingredients:
1 cup Lapsi Rava (cracked wheat/ Bulgur wheat/ Dalia)
3/4 cup grated Jaggery
2 tbsp Pure ghee
1/2 cup fresh grated coconut
3 cup Water
1/4 cup warm Milk
1/4 tsp cardamom powder
Pinch of salt
3 tbsp cashew, pistachio, almond slices
1 tbsp golden raisins



Method:
1) Heat 2 tbsp ghee into a pan. Roast rava nicely over medium heat. Also add cashew, pistachio and almond slices
2) While roasting rava, boil 3 cups of water on another stove-top. Add pinch of salt to the water.
3) When rava is roasted nicely, add hot water and warm milk. Mix nicely. Cover and cook for couple of minutes over medium heat. Add fresh coconut and mix.
4) When rava is almost cooked, add grated jaggery and stir with spatula, until jaggery melts. Add raisins.
5) Cover and cook for few more minutes over low heat. Add cardamom powder and mix well.
Serve hot.

Tips:
1) Lapsi Rava should be roasted nicely. Otherwise 'shira' won't come out well.
2) After adding water to the rava, Let it cook nicely. If you rush to add the jaggery, rava may remain little uncooked.
3) If you want it more sweet, add 1/4 cup of jaggery more.
4) When serving to new mothers (nursing mothers) add a teaspoon of ghee and sprinkle some fresh coconut to enhance the taste.

Microwave Rava Upma

Microwave Upma in marathi

Time: 20 minutes
Servings: 2 to 3

Ingredients:
3/4 cup Sooji (Rava, Semolina)
1 to 2 tbsp Ghee
For Tempering - 1 tbsp Ghee, pinch of mustard seeds, 1/4 tsp cumin seeds, 1/2 tsp Urad Dal, pinch of Hing, 3 green chilies, 4-5 curry leaves, 1/4 tsp Ginger grated
1/2 cup onion, finely chopped
1/4 cup Green Peas (Optional)
1/2 cup Tomato, finely chopped (Optional)
Salt and sugar to taste
1 tbsp Ghee (Optional)
Cilantro, Lemon, fresh coconut for garnishing
Microwave safe glass bowl with glass lid

Method:
1) Roasting Semolina (Roast it in a microwave safe plate)
3/4 cup Rava :- 1.30 min + 1.30 min + 1 min + 1 min = Total 5 minutes
2) Tempering (Use a big glass bowl which has lid)
Heat the ghee:- 1.30 min
Add mustard seeds, cumin seeds, urad dal :- 1.30 to 2 mins - Stir once in between
Add asafoetida, green chilies, curry leaves, ginger - High Power :- 30 to 40 seconds
3) Cooking Onion, Tomato
Add finely chopped onion :- 1.30 min + 1.30 min + 1 min + 1 more min if needed = Total 4 to 5 mins - Stir once or twice in between
Add Tomato, green peas :- 1.30 min + 1.30 min - stir once in between
Add 1 and 1/4 cup water, salt and sugar to taste - Mix :- 1 min
4) Upma
Add roasted semolina, mix - Cover the container :- 2 mins + 2 min - Stir once in between and also add some ghee.
Keep the upma covered for 3 to 4 minutes before serving.

Tips:
1) Every microwave's power differs a little bit. So the time given in the above recipe may vary by a minute.
2) Ghee can be substitute with oil. However, ghee makes the upma more delicious.
3) Add cashews according to the availability and choice.
4) Upma will be ready to eat within 20-22 minutes if the time utilized properly. Chop onion, tomato, chilies while microwaving sooji.
5) In first 3 steps keep the glass bowl uncovered. In 4th step cover the bowl with lid

मायक्रोवेव्ह उपमा - Microwave Upma

Microwave Upma in English

वेळ: साधारण २० मिनीटे
वाढणी: ३ जणांसाठी

साहित्य:
३/४ कप रवा
१ ते २ टेस्पून तूप
फोडणीसाठी - १ टेस्पून तूप, चिमूटभर मोहोरी, १/४ टिस्पून जिरे, १/२ टिस्पून उडीद डाळ, चिमूटभर हिंग, ३ हिरव्या मिरच्या, ४-५ कढीपत्ता पाने, १/४ टिस्पून आले
१/२ कप कांदा, बारीक चिरलेला
१/४ कप मटार (ऐच्छिक)
१/२ कप टोमॅटो, बारीक चिरलेला (ऐच्छिक)
मिठ, साखर चवीनुसार
१ टेस्पून तूप (ऐच्छिक)
सजावटीसाठी कोथिंबीर, लिंबू, ताजा खोवलेला नारळ
मायक्रोवेव्ह सेफ ग्लास बाऊल विथ ग्लास लिड

कृती:
रवा भाजणे
१) ३/४ कप रवा मायक्रोवेव्ह सेफ झाकणात समान पसरवून हाय पॉवरवर दिड मिनीट मायक्रोवेव्ह करा. डीश बाहेर काढून चमच्याने रवा ढवळावा. परत दिड मिनीट मायक्रोवेव्ह करावा. डीश बाहेर काढून ढवळावा. नंतर अजून २ मिनीटे मायक्रोवेव्ह करावा. (दिड मिनीट + दिड मिनीट + १ मिनीट + १ मिनीट) (महत्त्वाची टिप १)
फोडणी:
२) आता मायक्रोवेव्ह सेफ काचेच्या वाडग्यात १ टेस्पून तूप घ्या. हाय हाय पॉवरवर दिड मिनीट मायक्रोवेव्ह करा. त्यात मोहोरी, जिरे आणि उडीदडाळ घालून दिड मिनीट ते दोन मायक्रोवेव्ह करा. वाटल्यास मध्येच भांडे बाहेर काढून ढवळा.
३) आता हिंग, चिरलेल्या मिरच्या, कढीपत्ता, ठेचलेले आले घालून ३० ते ४० सेकंद मायक्रोवेव्ह करा.
४) बारीक चिरलेला कांदा घालून मिक्स करा. साधारण दिड मिनीट असे ३ वेळा मायक्रोवेव्ह करा.
५) आता चिरलेला टोमॅटो, मटार घालून मिक्स करा. दिड मिनीट असे दोनदा मायक्रोवेव्ह करा. मधे भांडे बाहेर काढून ढवळा.
६) सव्वा कप पाणी घाला. चवीपुरते मिठ आणि साखर घालून पाण्याची चव पाहून लागल्यास मिठ किंवा साखर अड्जस्ट करा. १ मिनीट मायक्रोवेव्ह करा.
७) भाजलेला रवा घालून मिक्स करा. झाकण ठेवून २ मिनीटे मायक्रोवेव्ह करा. भांडे बाहेर काढून थोडे तूप घाला आणि मिक्स करा. परत २ मिनीटे मायक्रोवेव्ह करा. आणि थोडावेळ वाफ मुरावी म्हणून तसाच आत ठेवा. ३ ते ४ मिनीटांनी तयार उपमा बाहेर काढून कोथिंबीर, लिंबू, ओला नारळ यांनी सजवून सर्व्ह करा.

टीप:
१) प्रत्येक मायक्रोवेव्हची पॉवर वेगवेगळी असते त्यामुळे वर दिलेल्या कालावधी एखाद मिनीट कमी किंवा जास्त होवू शकते याची नोंद घ्यावी.
२) तूपाऐवजी तेलही वापरू शकतो. तूपामुळे खुप छान चव येते.
३) आवडीनुसार काजूही घालू शकतो.
४) वेळ व्यवस्थित वापरल्यास २०-२२ मिनीटांत उपमा बनतो. म्हणजे रवा भाजताना कांदा, टोमॅटो चिरून घ्यावा तसेच बाकीची तयारी घ्यावी.
५) १ ते ६ स्टेप्स काचेचे भांडे न झाकता फॉलो करा, आणि फक्त ७ व्या स्टेपमध्ये भांड्यावर झाकण ठेवावे.

उपम्याच्या इतर रेसिपीज
रवा उपमा - शेगडी वापरून
शेवई उपमा

Labels:
Upma, rava upma, Microwave upma

रवा बेसन लाडू - Rava Besan Ladu

Rava Besan Ladu in English

१२ ते १५ लाडू, मध्यम आकाराचे
वेळ: ३० ते ४० मिनीटे (पाक मुरायला कमीतकमी २० मिनीटे आणि जास्तीत जास्त २ तासही लागू शकतात)

साहित्य:
१ कप बारीक रवा
१/२ कप बेसन
४ टेस्पून तूप
१ कप साखर
१/२ कप पाणी
१/२ टिस्पून वेलचीपूड
बदाम काजूचे पातळ काप

कृती:
१) बारीक रवा मध्यम आचेवर कोरडाच भाजावा. गुलाबीसर रंग येऊ द्यावा. तसेच भाजताना सतत कालथ्याने उलथत राहावा. मोठ्या आचेवर भाजल्यास रंग पटकन येईल पण रवा कच्चाच राहिल.
२) रवा भाजला कि परातीत काढून ठेवावा. त्याच कढईत तूप घालून, मध्यम आचेवर बेसन खमंग भाजून घ्यावे. बदाम काजूचे काप घालावे.
३) दुसर्‍या पातेल्यात १ कप साखर आणि १/२ कप पाणी घालून एकतारी पाक करावा. एकतारी पाक करण्यासाठी साखर पाणी एकत्र करावा एक उकळी येऊ द्यावी. उकळी आली कि मिश्रण फेसाळेल आणि फेस कमी झाला कि अर्ध्या मिनीटात लगेच गॅस बंद करावा आणि हा पाक रवा आणि बेसनाच्या मिश्रणात घालावा. कालथ्याने ढवळावे आणि झाकून ठेवावे. १५-२० मिनीटांनी मिश्रण ढवळावे. वेलचीपूड घालावी. हळू हळू मिश्रण आळेल आणि लाडू वळण्याइतपत घट्ट झाले कि लगेच लाडू वळावेत.

टीप:
१) पाक व्यवस्थित जमला पाहिजे, पाक गरजेपेक्षा थोडाजरी दाट झाला कि मिश्रण कोरडे होते. मी लाडू बनवले तेव्हा मिश्रण पटकन आळले आणि जरा कोरडे झाले तेव्हा मी थोडे दुध घालून लाडू वळले. छान झाले आणि ८ दिवस टिकलेसुद्धा. जर दमट हवेच्या ठिकाणी राहात असाल आणि लाडू वळताना दुध घातले असेल तर शक्यतो लाडू बनवल्यावर दुसर्‍या दिवशी फ्रिजमध्ये ठेवावेत.

रव्याचे धिरडे - Ravyache Ghavan

Rava Ghavan in English

८ ते १० लहान घावन
वेळ: २० मिनीटे (पिठ भिजवून तयार झाल्यावर)

साहित्य:
१ कप रवा
३/४ कप दही
१/२ कप पाणी
१/२ कप कांदा, बारीक चिरलेला
१/२ कप टोमॅटो, बारीक चिरून
२ हिरव्या मिरच्या, बारीक चिरून
१/२ टिस्पून जिरे
१/२ टिस्पून आलेपेस्ट
१/४ कप कोथिंबीर, बारीक चिरून
चवीपुरते मिठ
चिमूटभर बेकींग सोडा (खायचा सोडा)
१/४ कप तेल

कृती:
१) दही आणि पाणी एकत्र करून घट्ट ताक बनवून घ्यावे. त्यात रवा घालून मिक्स करावे. लागल्यास अजून थोडे ताक घालावे. मिश्रण पातळ नको आणि खुप घट्टही नको. मिश्रण एक दिड तास झाकून ठेवून दयावे.
२) एक दिड तासांनंतर त्यात कांदा, टोमॅटो, मिरच्या, आलेपेस्ट, जिरे, कोथिंबीर, मिठ आणि बेकींग सोडा घालून मिक्स करावे.
३) नॉनस्टिक तव्यावर तेल सोडून गरम करावा. तवा गरम झाला कि १ डाव मिश्रण घालावे, फक्त पळीने पसरू नये, घावन जाडसरच ठेवावे. मिडीयम हाय फ्लेमवर तव्यावर झाकण ठेवून शिजू द्यावा. एक बाजू शिजली कि थोडे तेल घालून दुसरी बाजू भाजून घ्यावी.

गरमच असताना खावे. नारळाच्या चटणीबरोबर सर्व्ह करावे.

Labels:
Rava uttappa, Rava Ghavan, Semolina Pancakes

इन्स्टंट आप्पे - Instant appe

Instant appe in English

वेळ: मिश्रण भिजवायला १ तास + आप्पे बनवायला ३० मिनीटे
साधारण १५ ते १८ आप्पे

साहित्य:
३/४ कप जाड रवा
३/४ ते १ कप आंबट ताक
चवीपुरते मिठ
१/२ टिस्पून जिरे, ठेचलेले
३ हिरव्या मिरच्या, बारीक चिरून
५-६ कढीपत्ता पाने, बारीक चिरून
१/४ कप कांदा, बारीक चिरून
१/२ टिस्पून आलेपेस्ट
२ चिमटी बेकिंग सोडा (खायचा सोडा)
१/४ कप तेल


कृती:
१) रवा आणि ताक तासभर भिजवून ठेवावे. नंतर त्यात जिरे, मिरच्या, कढीपत्ता, आलेपेस्ट, कांदा चवीपुरते मिठ घालून मिक्स करावे.
२) आप्पेपात्र गॅसवर गरम करत ठेवावे. मिश्रणात २ चिमूटभर सोडा घालावा आणि मिक्स करावे. अप्पेपात्रातील प्रत्येक अर्धगोलात तेल लावून त्यात भिजवलेले पिठ घालावे. वरून झाकण ठेवून मिडीयम गॅसवर ४ ते ५ मिनीटे एक बाजू खरपूस भाजून घ्यावी. काट्याने (फोर्क) पलटून दुसरी बाजू थोडे तेल घालून खरपूस करून घ्यावी.
नारळाच्या चटणीबरोबर गरमच सर्व्ह करावे. आप्पे थंड चांगले लागत नाही.

Labels:
Instant Appe, Savory Appe recipe

इडली रवा खांडवी - Idli Rava Khandavi

Idli Rava Khandvi in English


साहित्य:
१/२ कप इडली रवा
१/२ कप गूळ
१ कप पाणी (टीप)
२ चमचे तूप
१/२ टिस्पून वेलचीपूड
१/४ कप ओलं खोबरं

कृती:
१) तूपावर इडली रवा गुलाबीसर रंगावर भाजून घ्यावा. १ कप पाणी उकळवावे आणि भाजलेल्या रव्यात घालावे. १ वाफ काढावी.
२) वाफ काढून झाली कि त्यात नारळ, वेलचीपूड आणि गूळ घालावा व परत १-२ वेळा वाफ काढावी. थाळीला तूपाचा हात लावून घ्यावा. खांडवीचे मिश्रण थाळीत ओतून थापून घ्यावे. व वड्या पाडाव्यात.

टीप:
१) बाजारात इडली रवा वेगवेगळ्या क्वालिटीमध्ये मिळतो. कधीकधी बारीक असतो तर कधी जाडसर असतो. तेव्हा पाण्याचे प्रमाण पुढीलप्रमाणे कमी जास्त करावे.
बारीक रवा = १ भाग रवा : २ भाग पाणी
जाड रवा = १ भाग रवा : अडीचपट पाणी

Labels:
Idli Rava Khandvi, Khandvi recipe, Khandavi

Other Related Recipes

उपवासाची खांडवीची

ओल्या नारळाच्या करंज्या - Karanji

Coconut Karanji in English

वाढणी: साधारण ११ करंज्या
वेळ: साधारण १ तास
दिवाळीसाठी ड्रायफ्रुट बेक करंजी

साहित्य:
::::सारण::::
सव्वा कप खोवलेला ओला नारळ
पाउण कप किसलेला गूळ
१/२ टिस्पून वेलची पूड
::::करंजी पिठ::::
पाउण कप मैदा
पाव कप रवा
१ टिस्पून साजूक तूप, पातळ केलेले
१/२ ते पाउण कप दूध
तळण्यासाठी तेल

कृती:
१) गूळ व नारळ एकत्र करून पातेल्यात, मध्यम आचेवर शिजवावे. वेलचीपूड घालावी आणि घट्टसर मिश्रण करावे. मिश्रण ओलसर असू नयेत नाहीतर करंज्या नरम पडतात.
२) करंजीच्या आवरणासाठी एका भांड्यात रवा आणि मैदा एकत्र करावा. तूप कडकडीत गरम करून मोहन घालावे. थोडे थंड झाले कि मोहन घातलेले तूप सर्व मैद्याला लागेल असे मिक्स करावे. अंदाजे घेत घेत गार दूध घालावे आणि घट्ट मळून घ्यावे. थोडा वेळ झाकून ठेवून द्यावे.
३) १५-२० मिनीटांनी थोडे दूधाचा हबका मारून पिठ जरा कुटून घ्यावे. पिठाचे एकेक इंचाचे गोळे करून घ्यावेत.
४) करंज्या वाळू नयेत म्हणून एक ताटली आणि एक ओला, पिळून घेतलेला कपडा तयार ठेवावा.
५) करंज्या करण्यासाठी पिठाची एक गोळी निट मळून घ्यावी. गोल आणि पातळसर पुरी लाटून घ्यावी. मध्यभागी एक चमचाभर नारळाचे सारण ठेवावे. पुरीच्या अर्ध्या कडेला किंचीत दूध लावावे म्हणजे दोन्ही कडा निट चिकटतील आणि तळताना करंजी फुटणार नाही. उरलेली रिकामी अर्धी बाजू दूध लावलेल्या बाजूवर आणून चिकटवावी. सारण बाहेर येणार नाही याची काळजी घ्यावी. कातणाने अधिकचे पिठ कापून घ्यावे. [माझ्याकडे कातण नव्हते म्हणून काट्याने (Fork) कडेवरती थोडे डिझाईन केले.]
६) करंजी करून झाली कि ती ताटलीत ठेवून वरून ओला कपडा टाकून झाकावी म्हणजे करंजी सुकणार नाही. अशाप्रकारे सर्व करंज्या करून घ्याव्यात.
७) तळणीसाठी तेल गरम करावे. मध्यम आचेवर करंज्या सोनेरी रंगावर तळून घ्याव्यात.

Labels:
Olya Naralachya Karanjya, Karanji recipe, Gujia Recipe, nevri, karjikayi, karanji

सोया ग्रॅन्युल्स कटलेट - Soya Cutlet

Soya Granules Cutlet in English


साहित्य:
१ कप न्युट्रेला सोया ग्रॅन्युल्स
(मी रूची ब्रँडचे सोया ग्रॅन्युल्स वापरले होते)
१ कप उकडलेला बटाटा, किसून
१/२ कप वाफवलेले मटार
१ किसलेले गाजर
७-८ वाफवलेली फरसबी, बारीक चिरून
१/२ कप बारीक चिरलेली कोथिंबीर
१ टिस्पून जिरेपूड
१/४ कप कांदा, पातळ उभा चिरून
१ टिस्पून आले पेस्ट
५-६ हिरव्या मिरच्या, बारीक चिरून
६-७ कढीपत्ता
२ टेस्पून बेसन
१ टिस्पून तेल
चवीनुसार मिठ
१/२ कप भाजलेला रवा
शालो फ्राईंगसाठी तेल

कृती:
१) ३ ते ४ कप पाणी उकळत ठेवावे. त्यात १ टिस्पून मिठ आणि १ कप न्युट्रेला ग्रॅन्युल्स आणि घालून ५ मिनीटे मध्यम आचेवर उकळवावे. नंतर हे ग्रॅन्युल्स चाळणीत काढून १० मिनीटे निथळत ठेवावे. १-२ वेळा थंड पाण्याने धुवून घ्यावे. पाणी निथळून गेले कि ग्रॅन्युल्स हाताने पिळून घ्यावेत. पाणी राहू देवू नयेत.
२) नॉनस्टिक पॅनमध्ये १ टिस्पून तेल गरम करावे त्यात कढीपत्ता, हिरव्या मिरच्या, आले पेस्ट घालावी. काही सेकंद परतून कांदा घालावा. कांदा परतला गेला कि त्यात बेसन घालून मंद आचेवर परतावे. बेसन निट परतले गेले कि हे मिश्रण दुसर्‍या वाडग्यात काढून ठेवावे.
३) एका मोठ्या भांड्यात शिजवलेले ग्रॅन्युल्स, उकडलेला बटाटा, वाफवलेले मटार, किसलेले गाजर, फरसबी, कोथिंबीर, जिरेपूड, बेसनाचे मिश्रण आणि चवीपुरते मिठ घालून मिक्स करावे. वाटल्यास थोडे लाल तिखट घालावे. निट मिक्स करावे.
४) वरील मिश्रणाचे मध्यम आकाराचे चपटे कटलेट करावे. भाजलेल्या रव्यामध्ये घोळवून, मध्यम आचेवर हे कटलेट शालो फ्राय करावेत.

टीप:
१) जर लसणीचा फ्लेवर आवडत असेल तर १/२ टिस्पून लसणीची पेस्ट फोडणीत घालावी.
२) भाजलेल्या रव्याऐवजी कोटींगसाठी ब्रेड क्रम्ससुद्धा वापरू शकतो.

Labels:
Nutrela Granules, Soya Granules Cutlet, Healthy Cutlet

मिनी उत्तप्पा - Mini Uttappa

Mini Uthappa (English Version)



साहित्य:
१/२ कप उडीद डाळ
सव्वा ते दिड कप तांदूळ
चवीपुरते मिठ
१ कांदा
१ टोमॅटो
१ टीस्पून मिरचीचा ठेचा (ऑप्शनल)
कोथिंबीर
१/२ वाटी तेल

कृती:
१) तांदूळ आणि उडीद डाळ पाण्यात साधारण ७-८ तास भिजत घालावे. नंतर मिक्सरमध्ये थोडे बारीक वाटून घ्यावे. मिश्रण एकदम पातळ किंवा घट्टं नसावे. मध्यमसरच वाटावे, त्यानुसार वाटताना पाणी घालावे. मिक्सरमध्ये डाळ व तांदूळ वाटताना १ चमचाभर मिठ घालावे.
२) वाटलेले मिश्रण आंबवण्यासाठी उबदार ठिकाणी किमान १०-१२ तास झाकून ठेवावे. जर वातावरण खुप थंड असेल तर ओव्हन २-३ मिनीटे प्रिहीट करून बंद करावा व मिश्रण झाकून ओव्हनमध्ये ठेवावे. तेवढ्या उबेवर पिठ आंबते. आवश्यकतेनुसार आंबवलेल्या पिठात मिठ घालावे.
३) पिठ आंबले कि कांदा पातळ आणि उभा चिरावा. कांद्याला थोडे मिठ चोळून घ्यावे. टोमॅटो बारीक चिरून घ्यावा.
४) नॉनस्टीक तवा गरम करावा. १/२ चमचा तेल घालावे. आंबवलेल्या पिठापैकी १ डाव पिठ तव्यावर घालून थोडे जाडसर पसरवावे. त्यावर चिरलेला कांदा, टोमॅटो, कोथिंबीर आणि आवडत असल्यास किंचीत मिरचीचा ठेचा लावावा.
५) मध्यम आचेवर तव्यावर झाकण ठेवून थोडी वाफ काढावी. एक बाजू शिजली कि सावकाशपणे कालथ्याने बाजू पलटावी कारण वरच्या बाजूवर आपण कांदा टोमॅटो घातले आहेत. दुसरी बाजू शिजू द्यावी. गरम गरम मिनी उत्तपा, सांबार आणि चटणीबरोबर सर्व्ह करावे.


टीप:
१) मसाला डोसा बनवताना जी बटाट्याची भाजी करतो ती भाजी, उत्तप्प्यावर कांदा टोमॅटो घालून एक वाफ काढली कि पसरवावी आणि हि बाजू शेकवावी. हा मसाला उत्तप्पाही मस्त लागतो.

Labels:
Mini Uttappa, Onion Uttappa, Tomato Uthappa, South Indian Recipe, Onion Tomato Uthappa

सांज्याच्या पोळ्या - Sanjyachya Polya

Sanjyachya Polya (English Verion)



साहित्य:
सारणासाठी:
२/३ कप बारीक रवा (१ भाग रवा)
३-४ चमचे तूप
दिड कप किसलेला गूळ (२ भाग किसलेला गूळ)
पावणेदोन कप पाणी (अडीच भाग पाणी)
२/३ कप दूध (१ भाग दूध)
वेलची पूड
पोळीसाठी:
२/३ कप मैदा
१/४ कप कणिक
४ चमचे तेल

कृती:
१) सर्वात आधी सारण करून घ्यावे.
२/३ कप रवा मध्यम आचेवर खमंग भाजून घ्यावा. रवा भाजताना दुसर्या गॅसवर पाउणेदोन कप पाणी गरम करावे. रवा निट भाजला गेला कि गरम पाणी घालून ढवळावे आणि वाफ काढावी. पाणी आळत आले कि लगेच गूळ घालावा. गूळ वितळला कि त्यात गरम दूध घालाव, वेलचीपूड घालावी व मध्यम आचेवर वाफ काढावी. रवा जर चांगल्याप्रकारे भाजला असेल तर रवा, दूध आणि पाणी दोन्ही व्यवस्थित शोषून घेतो. त्यामुळे रवा व्यवस्थित भाजला जाईल याची काळजी घ्यावी.
२) हे सारण गार होत आले कि हाताने मळून घ्यावे. आणि दोन ते अडीच इंच आकाराचे गोळे करावे.
३) मैदा व कणिक एकत्र करून घ्यावे. त्याला ३-४ चमचे कडकडीत तेलाचे मोहन घालावे. आणि मध्यमसर किंवा किंचीत पातळसर भिजवावे. (पुरणपोळीला पिठ भिजवतो त्यापेक्षा घट्ट असावे.)
४) भिजवलेल्या पिठाचे १ इंचाचे गोळे करावेत. याची बोटांनी २ इंचाची पारी करून घ्यायची (मोदकाला करतो तशी). त्याच्या मध्यावर तयार केलेल्या सांज्याचा एक गोळा ठेवावा. आणि पारीच्या सर्व बाजू बंद करून सारण आत भरावे. थोडे गव्हाचे पिठ लावून पोळ्या लाटाव्यात. आणि तव्यावर भाजाव्यात.
भाजताना थोडे तूप घातले तर छान खरपूस लागते.

Labels: Sanjyachya Polya, Sanjachya Polya, Sanjyachi poli, Sweet chapati, Semolina Chapati, Sweet Semolina Chapati

तिखट मिठाचा सांजा - Tikhat Mthacha Sanja

Tikhat Shira in English

वेळ: ३० मिनीटे
वाढणी: २ ते ३


साहित्य:
१ वाटी रवा
अडीच ते तीन वाटी पाणी
१ कांदा
२-३ मिरच्या
४ कढीपत्त्याची पाने
फोडणीसाठी : ३-४ चमचे तेल, मोहोरी, हिंग, हळद
चवीपुरते मीठ
१/२ चमचा साखर
लिंबाचा रस
सजावटीसाठी चिरलेली कोथिंबीर, खोवलेला नारळ
थोडी शेव (ऑप्शनल)

कृती:
१) रवा चांगला भाजून घ्यावा. एका कढईत ३-४ चमचे तेल तापवावे. मोहोरी, हिंग, हळद कढीपत्ता, मिरचीचे तुकडे घालून फोडणी करावी. त्यात चिरलेला कांदा घालावा. १ लहान चमचा मिठ घालावे. कांदा शिजू द्यावा.
२) कांदा निट शिजला कि त्यात रवा घालावा. दुसर्या गॅसवर पाणी तापत ठेवावे. रवा थोडावेळ कांद्याबरोबर परतावा. पाणी उकळले कि भाजलेल्या रव्यात ओतावे. निट मिक्स करावे त्यात साखर आणि आवश्यकतेनुसार मीठ घालावे. वाफ काढावी.
३) सर्व्ह करताना शेव, खोवलेला नारळ, कोथिंबीर आणि लिंबाचा रस घालावे.

टीप:
१) रवा निट भाजला आणि मऊसर सांजा हवा असेल, तर ३ वाट्या पाणी सहज लागते. पण जर थोडा फडफडीत सांजा पाहिजे असेल तर त्यात अडीच वाट्या पाणी घालावे.
२) आवडीनुसार सांज्यात काजू, बारीक चिरलेला टोमॅटो, मटार घालू शकतो.

Labels:
breakfast recipe, maharashtrian breakfast recipe, sanja recipe, vegetarian recipe, Maharashtrian recipe, semolina recipe, Pivla sheera recipe, tikhat mithacha shira recipe, tikhamithacha sanja

खमण ढोकळा - Khaman Dhokla

Khaman Dhokla in English

वाढणी: साधारण १५ मध्यम तुकडे
वेळ: ३५ ते ४० मिनीटे


साहित्य:
१ कप बेसन पिठ
२ चमचे रवा
१ कप पातळ ताक
२ लहान चमचे साखर
१/२ चमचा मिरची पेस्ट
१/२ चमचा आले पेस्ट
१ लहान चमचा हळद
२ लहान चमचे इनो
१ चमचा लिंबाचा रस
१ चमचा तेल
चवीपुरते मिठ
फोडणीसाठी: १ चमचा तेल, १/२ चमचा मोहोरी, २ हिरव्या मिरच्या बारीक चिरून, १/२ लहान चमचा हिंग
१ चमचा लिंबाचा रस
१ लहान चमचा साखर
२ चमचे पाणी

कृती:
१) १ कप बेसन पिठ, २ चमचे रवा, २ लहान चमचे साखर, १/२ चमचा मिरची पेस्ट, १/२ चमचा आले पेस्ट, १ लहान चमचा हळद, १ चमचा लिंबाचा रस, १ चमचा तेल, चवीपुरते मिठ हे सर्व साहित्य एकत्र करावे. त्यात १ ते सव्वा कप ताक घालावे.
२) वरील मिश्रण तयार झाले कि मिश्रणाचे दोन वेगवेगळे भाग करावे व वेगवेगळ्या भांड्यत ठेवावे.
३) एक मध्यम खोलीचा पसरट फ्राईंग पॅन घ्यावा. त्यात अर्ध्यापेक्षा किंचीत कमी भरेल एवढे पाणी उकळत ठेवावे. त्या पॅनमध्ये राहिल एवढ्या उंचीचे मेटलचे भांडे घ्यावे त्याला तेलाचा हात लावून घ्यावा. फ्राईंग पॅनच्या झाकणाला स्वच्छ पंचा बांधून घ्यावा म्हणजे वाफेचे पाणी ढोकळ्यात न पडता पंच्यात शोषले जाईल.
४) एक भाग मिश्रणात १ टिस्पून इनो घालून पटापट एकाच दिशेने अंदाजे १५-२० सेकंद ढवळावे. मिश्रण थोडे फसफसायला लागते. लगेच मिश्रण तेल लावलेल्या भांड्यात ओतून पाणी उकळत ठेवलेल्या पॅनमध्ये ठेवावे वरून पंचा लावलेले झाकण ठेवावे. मध्यम आचेवर १५ ते १८ मिनीटे वाफ काढावी. वाफ काढताना झाकण अजिबात उचलू नये. यासाठी अंदाज घेऊन आवश्यक तेवढे पाणी ठेवावे. पाणी कमी पडले आणि सर्व पाणी संपले तर ढोकळा भांड्याच्या तळाला चिकटून करपू शकतो.
५) जोवर ढोकळा तयार होतोय तोवर फोडणी तयार करू घ्यावी. लहानश्या कढल्यात किंवा लोखंडी पळीत १-२ चमचे तेल गरम करावे. त्यात मोहोरी, २ बारीक चिरलेल्या हिरव्या मिरच्या, १/२ लहान चमचा हिंग घालून फोडणी तयार करावी. फोडणी किंचीत कोमट होवू द्यावी. एका वाटीत २ चमचे पाणी, १ चमचा लिंबाचा रस, १ लहान चमचा साखर यांचे मिश्रण तयार करावे. हे मिश्रण फोडणीत घालावे.
६) १५ मिनीटांनी गॅस बंद करावा. १-२ मिनीटांनी भांडे बाहेर काढावे. ढोकळा जरा गार झाला कि सुरीने कापून घ्यावा. त्यावर तयार केलेली फोडणी चमच्याने पसरावी.
ढोकळयाच्या मिश्रणाचा उरलेला भागही वरील प्रमाणेच वाफवून घ्यावा.
हा ढोकळा हिरव्या तिखट चटणी बरोबर झकासच लागतो.

टीप:
१) हा ढोकळा कूकरमध्येसुद्धा करू शकतो. फक्त कूकरच्या झाकणाला पंचा बांधून घ्यावा व ते झाकण नुसतेच वर ठेवावे, कूकर बंद करू नये. किंवा कूकरच्या झाकणापेक्षा जाडसर थाळीला पंचा बांधून ती कूकरवर झाकणासारखी ठेवावी.

Labels
Khaman Dhokla, Dhokla recipe, Gujarathi Dhokla, Instant Dhokla recipe, Recipe for Dhokla, Gujarati snacks, Indian Snack, Snacks recipe, Instant snacks recipe

रव्याचा केक - Ravyacha Cake

Ravyacha Cake (English Version)



साहित्य:
१ वाटी रवा
१ वाटी दही
१ वाटी दूध (दूध गरम नसावे)
१ वाटी साखर
१-२ चमचे तूप
१ चिमूटभर बेकिंग सोडा
वेलचीपूड / दालचिनी पावडर
सुकामेवा
बेक करण्यासाठी पसरट ओव्हन सेफ भांडे (eg. Pie Bakeware)

कृती:
१) रवा, दही, दूध, साखर, तूप एकत्र करून २०-२२ मिनीटे फेटावे. साखर व्यवस्थित विरघळली पाहिजे. हे सर्व मिश्रण २-३ तास झाकून ठेवून द्यावे.
२) २-३ तासांनी ओव्हन ३७५ F (१९० C) प्रिहीट करायला लावावा. मधल्यावेळात ओव्हनसेफ भांड्याला तूपाचा हात लावून घ्यावा. नंतर १ चमचा पाण्यात चिमटीभर बेकिंग सोडा घालावा, मिक्स करून फेटलेल्या मिश्रणात घालावा.आवडीनुसार वेलचीपूड किंवा दालचिनी पावडर घालावी. मिश्रण १ मिनीट ढवळावे.
३) मिश्रण ओव्हनसेफ भांड्यात ओतावे. वरून काजू बदाम पिस्त्याचे तुकडे पसरावे. आणि ३७५ F ( १९० C) वर १८ ते २० मिनीटे बेक करावे. बेक करताना १०-१२ मिनीटानंतर मधेमधे ओव्हनमधील लाईट लावून केक चेक करावा.
४) केकच्या कडा ब्राऊन रंगाच्या होतात तसेच केकचा छान गंध सुटला कि केक झाला असे समजावे. ओव्हन बंद करून १-२ मिनीटांनी केक बाहेर काढावा. गरम गरम खायला छान लागतोच तसेच २ दिवस टिकतोसुद्धा !

टीप:
१) जर केकच्या आतसुद्धा सुकामेवा आवडत असेल तर बेक करायच्या आधी काजू बदामाचे तुकडे घालून ढवळावे मग मिश्रण बेकिंगच्या भांड्यात ओतून बेक करावे.

Labels:
Semolina cake, eggless cake, Rava cake, Farina Cake, Semolina dessert recipe

रव्याचे लाडू - Rava Ladu

Rava Ladu in English

१५ मध्यम लाडू

साहित्य:
२ वाट्या बारीक रवा
१ वाटी पाणी
दिड वाटी साखर
१/२ वाटी साजूक तूप
१ लहान चमचा वेलची पूड

कृती:
१) प्रथम रवा मध्यम आचेवर तूपावर भाजून घ्यावा. खमंग वास आला कि गॅसवरून उतरवावा.
२) पातेल्यात साखर आणि पाणी एकत्र करून एकतारी पाक करून घ्यावा. (किंवा साखरेचा पाक पारदर्शक झाला कि एक उकळी काढून लगेच उतरवावा.) भाजलेल्या रव्यात पाक ओतावा. गुठळ्या न होता मिक्स करावे. त्यात वेलची पूड घालावी.
३) हे रव्याचे आणि साखरेचे मिश्रण झाकून ठेवावे. काही तासांनी मिश्रण आळते. मग लाडू वळावेत.

टीप:
१) जर लाडवाचे मिश्रण फळफळीत झाले तर अर्धी वाटी पाणी लहान पातेल्यात उकळावे. त्यात २-३ चमचे साखर घालावी. पाक बनवून तो मिश्रणात घालावा. मिक्स करावे. थोड्या वेळाने लाडू वळावेत.
२) रव्याच्या लाडवांसाठी शक्यतो बारीक रवा घ्यावा.

Labels:
Semolina Laddu Recipe, Indian Laddu Recipe, Indian Sweets recipe, Mithai recipe

गोडाचा शिरा - Godacha Shira

Godacha Shira

साहित्य:
१ वाटी रवा
१ वाटी साखर
१ वाटी दूध
१ वाटी पाणी
३-४ चमचे तूप
१ लहान चमचा वेलचीपूड
काजू-बदामचे पातळ काप

कृती:
१) कढईत तूप गरम करावे. त्यात रवा मध्यम आचेवर गुलाबी रंगाचा होईस्तोवर भाजून घ्यावा.
२) रवा भाजत असतानाच दुसर्या गॅसवर दूध आणि पाणी एकत्र करून गरम करावे. रवा व्यवस्थित भाजला कि त्यात गरम केलेले दूध आणि पाणी घालावे. गुठळ्या न होवू देता ढवळावे. ढवळून ३-४ मिनीटे वाफ काढावी.
३) रवा चांगला शिजला कि त्यात साखर घालावी, वेलचीपूड घालावी, व्यवस्थित ढवळावे. मध्यम आचेवर वाफ काढावी. काजू-बदामाचे काप घालावे.

टीप:
१) साखरेचे प्रमाण आपल्या गरजेनुसार कमी किंवा जास्त घ्यावे.
२) शिर्‍यामध्ये आवडीप्रमाणे सुकामेवा घालता येतो. त्यामुळे शिरा अधिक रूचकर लागते. तसेच तुपाचे प्रमाण थोडे जास्त घेतल्यास शिरा अधिक चविष्ठ लागतो.

Labels:
Godacha Shira, Suji halwa, Sujika Halwa recipe, Recipe for Semolina Pudding, Sira recipe, Maharashtrian Recipe, Ravyacha god shira

काकडीचा केक - Kakadicha Cake

Kakadicha Cake

हा काकडीचा केक बराचसा तवसळी नावाच्या कोकणी पदार्थासारखा आहे. सणासुदीला गोडधोड म्हणून काकडीचा केक नक्की करून पाहा.

साहित्य:
२ वाट्या काकडीचा किस
१ वाटी रवा
१ वाटी गूळ
४ टेस्पून बटर
१ चमचा तूप
१ लहान चमचा वेलची पूड
बदामाचे काप

कृती:
१) काकडी सोलून किसून घ्यावी. दोन्ही हाताने दाबून त्यातले पाणी काढून टाकावे.
२) रवा तूपावर भाजून घ्यावा. मध्यम आचेवर कढईत बटर घालावे. त्यात रवा, गूळ आणि काकडीचा किस घालून ढवळत राहावे. ५-१० मिनीटांत रवा, गूळ, काकडीचा किस यांचे मिश्रण मिळून येते. त्यात वेलची पूड घालून ढवळावे.
३) ओव्हन ३७५ F ला प्रिहिट करावे. बेकिंग ट्रे मध्ये तूपाचा हात लावावा. त्यात तयार मिश्रणाचा १ इंचाचा थर करावा. त्यावर बदामाचे काप घालावे. १५-१८ मिनीटे बेक करावे. केकच्या कडा थोड्या गोल्डन ब्राऊन झाल्या कि केक तयार झाला असे समजावे.
४) केक ट्रेमधून काढावा सुरीने चौकोनी वड्या कराव्यात.

टीप:
१) हा केक गरम खायला जास्त छान लागतो. त्यामुळे जर थोडा उरलाच तर खाताना मायक्रोवेवमध्ये गरम करून खावा.
२) केक बेक केल्यावर थोडे नारळाचे दूध घालावे छान टेस्ट येते.

Labels:
Eggless Cake, Cucumber Cake, Homemade Cake, Cake recipe, Cucumber Semolina Cake, Semolina Cake

वेजिटेबल कटलेट - Vegetable Cutlet

Vegetable Cutlet in English

साहित्य:
१ शिजलेला बटाटा
१/२ कप मटार
१/४ कप गाजराचे तुकडे
१/४ कप फरसबीचे तुकडे
१ छोटा कांदा
१ टेस्पून लसूण पेस्ट
५ टेस्पून चणा पिठ
६-७ हिरव्या मिरच्या किंवा चवीनुसार लाल तिखट
१ टिस्पून गरम मसाला
१ टिस्पून चाट मसाला
१ टिस्पून आमचूर पावडर
१/२ कप बारीक चिरलेली कोथिंबीर
१/४ कप भाजलेला रवा
तेल
मीठ

कृती:
१) मटार, गाजर, फरसबीचे तुकडे थोडे मीठ घालून वाफवून घ्यावेत. सर्व भाज्या चाळणीत काढून ठेवाव्यात जेणेकरून त्यातील अधिकचे पाणी निघून जाईल.
२) नॉनस्टीक फ्राईंग पॅनमध्ये १ चमचा तेल गरम करून त्यात आले-लसूण पेस्ट व मिरच्या बारीक करून फोडणी करावी. त्यात बारीक चिरलेला कांदा परतून घ्यावा. कांदा परतला कि त्यात चण्याचे पिठ घालावे, पिठ खमंग भाजून घ्यावे.
२) एका भांड्यात शिजलेला बटाटा किसून घ्यावा. त्यात सर्व वाफवलेल्या भाज्या, गरम मसाला, आमचूर पावडर, चाट मसाला, कोथिंबीर, मीठ आणि भाजलेले चणा पिठ घालून एकत्र करावे. चणा पिठामुळे घट्टपणा येतो. पण कधी कधी बटाटा व इतर भाज्यांतील पाण्यामुळे जरा ओलसरपणा येण्याची शक्यता असते तेव्हा गरज वाटल्यास ब्रेड घालावा.
३) मिश्रणाचे समान भाग करून त्याला हाताने किंवा साच्याने आकार द्यावे. नॉनस्टीक फ्राईंग पॅनमध्ये १-२ तेल गरम करत ठेवावे. कटलेटला भाजलेला रवा दोन्ही बाजूने लावून घ्यावा. मध्यम आचेवर दोन्ही बाजूने गोल्डन ब्राऊन करून घ्यावे.

Labels:
Veg Cutlet, Cutlet recipe, vegetable cutlet, Veggir Cutlet recipe, cutlet recipe

वेज बर्गर - मूग पॅटीस - Veg Burger

Veg Burger - Moog Pattie (English Version)



साहित्य:
५-६ बर्गर बन्स
२ टेस्पून बटर
चिज स्लाईसेस
कांदा टोमॅटोच्या गोल चकत्या
टोमॅटो केचप
पॅटीससाठी साहित्य:
१ कप मोड आलेले मूग
१ मोठा शिजवलेला बटाटा
१ मध्यम कांदा
१ लहान आल्याचा तुकडा
३ टेस्पून चमचे बेसन
५-६ हिरव्या मिरच्या
कोथिंबीर मिरचीची चटणी (ऑप्शनल)
१/२ कप चिरलेली कोथिंबीर
१ टीस्पून आमचूर पावडर
तेल
मीठ

कृती:
१) नॉनस्टीक फ्राईंग पॅनमध्ये एक चमचा तेल गरम करून त्यात आले बारीक किसून घालावे. मिरच्या बारीक करून घालाव्यात, नंतर बारीक चिरलेला कांदा घालून थोडावेळ परतावा. कांदा गोल्डन ब्राऊन झाला कि त्यात बेसन घालावे. खमंग भाजून घ्यावे. थंड होवू द्यावे.
२) मूग कूकरमध्ये घालून १-२ शिट्ट्या कराव्यात, अगदी पुर्ण शिजवू नयेत. अधिकचे पाणी काढून घ्यावे.
२) शिजलेला बटाटा किसून घ्यावा.त्यात मूग, भाजलेले बेसन, मीठ, आमचूर पावडर, कोथिंबीर घालून एकजीव मळून घ्यावे.
३) मिश्रणाचे पॅटीस करून घ्यावेत. नॉनस्टीक फ्राईंग पॅनमध्ये २ चमचे तेल गरम करावे. त्यात पॅटीस दोन्ही बाजूने गोल्डन ब्राऊन करून घ्याव्यात.
४) बर्गर बन्सच्या खालच्या स्लाईसला बटर लावून घ्यावे. त्यावर तयार पॅटीस ठेवावे. पॅटीसला थोडी हिरवी चटणी लावावी. त्यावर एक टोमॅटो, कांद्याचा स्लाईस, चिजचा स्लाईस ठेवावा. वरून दुसरा ब्रेडचा स्लाईस ठेवावा. ३५० F वर ६-७ मिनीटे ओव्हनमध्ये बेक करावे. टोमॅटो सॉसबरोबर गरम खावे.

टीप:
१) पॅटीस शालो फ्राय करताना आवडत असल्यास पॅटीसला दोन्ही बाजूला भाजलेला रवा लावल्यास मस्त क्रिस्प येतो.
२) कांदा, टोमॅटो बरोबर अजून एक दोन पालकाची आणि कोबीची पाने घालू शकतो.
३) बाजारात गव्हाच्या पिठाचे बन्स (wheat buns) उपलब्ध असतात. ते वापरल्यास आरोग्याच्या दृष्टीने चांगले.
४)मूग बटाट्याचे मिश्रण जर थोडे ओलसर झाले तरच ब्रेडचा स्लाईस बाईंडींगसाठी वापरावा. बेसन घातलेले असल्याने शक्यतो गरज लागत नाही.

Labels:
Veg burger, veggie burger, homemade burger, vegetarian burger